ჩვენს შესახებ

                                             ჩვენ  შესახებ

           ჩვენ ვართ დიმიტრი ყიფიანის სახელობის  ქვიშხეთის საჯარო სკოლის X კლასის  მოსწავლეები: მარიამ მინდიაშვილი,თათია ბანცაძე,პაატა ნოზაძე,ნიკოლოზ რობაქიძე, გვანცა სინაგუბოვი. ვართ წარმატებულნი და  მოტივერბულნი. ვცდილობთ შემოქმედებითი და აქტიური ცხოვრებით ვიცხოვროთ. 

მონაწილეობას ვღებულობთ არაერთ საინტერესო ღონისძიებაში, პროექტსა თუ კვლევაში.                                                                                                                                                                                                                                ამჯერად გვინდა საზოგადოებას გავაცნოთ ჩვენი სოფლის ისტორიული და დღევანდელი მდგომარეობა, გვსურს, წარმოვაჩინოთ პრობლემები და დავსახოთ გადაჭრის გზები. აგრეთვე შევეცდებით, შემოგთავაზოთ საკუთარი ხედვა ჩვენი სოფლის მომავალი განვითარების კუთხით.
      პროექტში გამარჯვების იმედს ვიტოვებთ.

                                        საკონტაქტო ინფორმაცია

                                     
                        მარიამ მინდიაშვილი-marimindiashvili502@yahoo.com

                                    თათია ბანცაძე-tatiabancadze@yahoo.com

                                    პაატა ნოზაძე-paatanozadze0@gmail.com

                                    გვანცა სინაგუბოვი-gsinagubovi@yahoo.com

                                    ნიკოლოზ რობაქიძე-robaqidzeniko@gmail.com

Read More

ჩემს ქვიშხეთს

                              

ჩემს ქვიშხეთს

                    

                     

                                  ჩემს ქვიშხეთს

         მოფრინავს თერხვი

           შმაგი სიმღერით.

           ჩამოუქროლებს ჩიკორის საყდარს.

           ტაშისკარს თუკი თორით მოატან.

           გაოცდები და დარჩები სახტად.

           ლამაზ ფერდობზე მწვანე წალკოტი,

           ჭადრები თითქმის ცამდე მისულა.

           თუ არა გჯერა,ერთხელ ჩამოდი,

           დაგალევინო ღვინო ქვიშხურა.

            იქნებ თავიდან უსაყვარლესო,

            თავკოკოლადან გერქვა ქვის ხედი.

            შენ,ქართლის თვალო,ულამაზესო,

            მიტომ დაგერქვა ალბათ ქვიშხეთი.

            მთაწმინდის მხრიდან ღრუბლებს უთეთრესს,

            მზე ცხრილავს სხივით,ვით ბაბმის ფთილას.

            ფიჭვებისაკენ მთებმა უყელეს.

            სისხამზე ცელით მიმავალ მთიბავებს.

            ბევრი პოეტი ლექსით გმოსავდა.

            რა შეედრება მის მთაბარებსო,

            ახლა გრძნობები ისე მოზღვავდა,

            მეც ამამღერე,უნეტარესო.

            ნახვეტარიდან მტკვარს დავუყვები.

            მზე დავლურს უვლის პურის ყანაზე.

            ციმაკურიძის ყალმით ნახატო,         

             მართლაც, ერთი ხარ ამ ქვეყანაზე.

            

           

                                                               ალექსი ღონღაძე

Read More

ქვიშხეთი... ჩვენი ქვიშხეთი

                              ქვიშხეთი... ჩვენი ქვიშხეთი

                              
   საქართველოში იშვიათად შეხვდებით ადამიანს, ქვიშხეთი რომ არ იცოდეს. სოფელი   ლიხის ქედის კალთებზეა შეფენილი.იგი დასავლეთ და აღმოსავლეთ საქართველოს გზის გასაყარზე მდებარეობს. უმშვენიერესი ბუნება, ბარისა და მთის შეზავებული მშრალი კლიმატი ძველთაგანვე იქცევდა ყურადღებას, ამიტომაც აქ მოსახლეობა უძველესი დროიდან დასახლდა.
  ქვიშხეთი არამარტო  მდებარეობით  გაუნებივრებია ღმერთს, არამედ იმითაც, რომ   მასთან არაერთი სასიქადულო მამულიშვილის სახელია დაკავშირებული. იმის გამო, რომ ამ სოფელში დიდ საზოგადო  მოღვაწეს,  მეცენატს, დიმიტრი ყიფიანს ეგდა    სტუმართმოყვარე სახლი, სოფელს ხშირად  სტუმრობდნენ ჩვენი  ბუმბერაზი პოეტები: ილია  და  აკაკი,  მიხეილ ჯავახიშვილი,  ლეო ქიაჩელი, გერონტი ქიქოძე,  პავლე ინგოროყვა, შალვა ნუცუბიძე, კონსტანტინე  გამსახურდია,  ტიციან  ტაბიძე და სხვანი .
ქვიშხეთში ხშირად იმყოფებოდა რომანტიკოსი პოეტი ნიკოლოზ ბარათაშვილი,მიზეზი კი მისი და გახლდათ,რომელიც სუმბათაშვილების რძალი იყო.
    ჩვენს სოფელში უცხოვრია  და აქ გაუკეთებია საბოოლო რედაქცია ,,სიტყვის კონისთვის ,,სულხან–საბა ორბელიანს.
   1935-37 წლებში ქვიშხეთში ისვენებდა და ,, ვეფხვისტყაოსანს" უკრაინული  ენაზე თარგმნიდა მიკოლა ბაჟანი .
  ქვიშხეთში თარგმნა აგრეთვე  ნ. ზაბოლოცკიმ ,, ვეფხვისტყაოსანი." 1949 წელს ჩვენს სოფელში თარგმნიდა  რუსთველის  უკვდავ პოემას ავსტრიელი ჰუგო ჰუპერტი.
     რეჟისორმა  სიკო დოლიძემ ქვიშხეთში  გადაიღო იმ დროისათვის ძალიან გახმაურებული  ფილმი ,, დარიკო"
       ულამაზესი ბუნება, ცივი, ანკარა წყაროები, უძველესი კულტურული   მემკვიდრეობის  ძეგლები, ტრადიციული სპორტულ-კულტურული  საღამოები,   კომფორტული  საოჯახო  ტიპის სასტუმროები, საინტერესო ტურისტული ბილიკები, სტუმართმოყვარე  ხალხი,მრავალფეროვანი სამზარეულო,აი მხოლოდ მცირე ჩამონათვალი, რომელთა გამოც აუცილებლად უნდა ეწვიოთ ჩვენს სოფელს....

  

                                  

                                                                 ჩვენი სკოლა

                                   

                                                               

                                                           ბუნების ძეგლები

                      სამქვა                                                                            ორჯამიანა                                                                                        

    

                                                               მთის წყაროები

ბულბულისციხის ტბა

Read More